郎朗

自郎朗來我家小住後, 我.....

1. 活動範圍由一間屋變成二間房(睡房+書房)
2. 屋企個電視, 大部份時間都向細婆台
3. 週未出街慾望變得十分強烈
4. 屋企可以噤嘅掣都walk walk地, 或者short short 地, 例如電話, 熱水爐......
5. 變得偏食(因為郎朗話做完手術唔食牛、雞旦、冬茹、海鮮、酸、辣.....)
6. 屋企多咗隻黑天鵝
7. 間屋黑蚊蚊, 因郎朗話唔習慣間屋太光, 成日熄晒啲燈....攪到我地兩個好似演緊深海怪談貢....
8. 成日都洗碗, 因為晚晚個厨房啲碗碟末能通過品質測試, 要洗過
9. 每晚要抹爐頭,"省"sink盤, 原因同8. 一樣
10. 不能好似死屍貢攤向梳化
11. 一日到黑都聽見個"驚"字....行雷又驚、搭地鐵又驚、落雨又驚、去做物理治療又驚、由露台望落街又驚。
12. 成日話我地危險, 連放條鎖匙向地櫃面, 都話危臉, 話驚如果有賊入屋可以攞咗去(如果有賊入屋, 就唔會攞你條鎖匙啦!!!!, 但她說日頭落街可以唔關露台門, 話日頭無賊敢爬入嚟, 咩道理嚟架?!?!?!)

不過, 她都好慘, 有家歸不得, 家吓都唔知幾時才可以回宮....唉.....

我好掛住呀蘇同樓盤傳真, xx就好掛住NGC同部DVD機.....