Osaka Trip – Day 5

今天係最後1天, 昨天晚上睡得不好, 因為擔心xx半夜胃痛, 又擔心如果真係好唔舒服, 係唔係應該同佢入醫院. 但感恩, xx雖然痛, 但未致於要入院.

The tour must go on. 所以last day的早上我們就在酒店附近的嘅黑門市場逛逛. 但因為沒有帶相機, 所以一張相都無映. 但好後悔呀, 因為有很多靚魚生….

在黑門市場有間賣咖啡豆嘅舖頭, 公司和朋友有好多都係啡友, 諗住買D比佢哋做手信. 個老闆都talk 得吓”ink門”, 而我又高估咗佢嘅”ink門”程度. 我買咗3隻唔同味嘅豆, 每隻100g, 諗住叫老闆每隻豆50g一包, 分六包. 點知老闆將三隻豆溝埋再分六包. Oh no…... 都唔知係表達能力差, 抑或佢ink門程度渣.

是日早上節目xx無份, 因為想xx响酒店休息吓, 二來費事佢見到魚生得個…. “恨”字. 睇得唔食得.

我們lunch作最後衝次, 食拉麵. xx又係好可憐貢我哋食…得個恨”字.

我們比原定時間早咗到機場, 洗淨十幾萬yen, 斷估都唔可以响機場敗晒, 只係輕輕貢買咗小小嘢. 洗咗1000 yen 左右. xx個姑姐就洗咗萬幾yen買咗個名牌手袋. 而另一個姑丈就仲勁, 洗咗………………塊面.

是次旅程就係好趕好趕嘅情况之下完成, 但返到香港又立刻趕去九龍法國醫院睇急症, 要等十幾個, 同埋得1個醫生. 所以立刻再轉去24小時clinic.

24小時clinic個醫生聽完xx個遭遇, 深表同情, 就同xx講” 吓!! 你响日本兩日無食嘢, 味好嘥, 睇嚟都係消化不良, 同你打支止痛針, 食D藥啦!!!” xx之後講話他日我再去日本, 必定十倍奉還. 我好串貢話 “車!! 睇吓點!!!

是晚搞完xx回到家都成十二點幾. 梳洗後便立刻要瞓覺, 第二朝要返工. 我都未試過去完旅行返到屋企D行李原封不動, 因為真係好倦.

Osaka Trip – Day 4

今天副領隊和她xx要回港, 根據GPS嘅資料, 又係要揸六個鐘頭車先去到関西機場, 所以响酒店食完早餐就啟程去機場. (當然唔駛貢耐, 但也不敢怠慢, 誤了飛機就唔好咗. 穩陣D好).

xx因為瞓咗一覺好啲, 諗住一天都光哂, 安樂哂. 點知…

中途去咗呢個outlet. 都係無乜敗家.

我們和副領隊兩公婆响outlet到分手, 因為outlet就响機場隔離, 他們行完街就搭shuttle過去機場.

好! 跟住我同xx就擔大旗由関西機場揸車返大阪市. 其實GPS响郊區係ok嘅,但返到city有大厦擋住就有D delay. 所以明明知道還車地方响附近, 我哋都揸咗一個鐘先揾到(呢個係第二個我想打爆佢嘅原因). 最後係用人肉GPS –(即係小妹)去地圖先揾到. 高科技呢家嘢都係信唔過.

還車之後就去酒店check-in. 上房休息一下就諗住去道頓堀好出名嘅かに道樂食蟹, 跟住再去心齋橋敗家. 點知返到房, xx又開始胃痛, 但蟹係xx最鐘意食嘅海鮮, 惟有頂硬上. 但去到, xx都係痛到乜都食唔到. 眼白白睇住我哋食蟹刺身, 蟹窩, 蟹乜乜, 蟹物物, 真不好受.

而我哋見到D蟹膏刺身又唔敢食, 惟有pat埋落個火窩到. xx簡直係心痛, 見我哋貢樣”租質” 肥美嘅蟹膏. 個waitress姐姐見到我哋兩個蟹蓋响個火窩漂浮…簡直O哂咀.

而呢餐我當然無心機食啦, 見到xx貢痛,只係想快D食完比xx返去休息. (呢D貢好嘅老婆, 好難揾啦)!!!!

食完飯係貢易响心齋橋行咗一陣, 叫做到此一遊就返酒店休息. 所以呢日都無乜點玩同敗家.

大阪之旅 – Day 3

今天大清早我們就要出發, 先去攞車, 我們租了架八人車

向和歌山出發.

出發前一刻我都仲好忙貢做功課

副領隊係日本通, 所以負責聽哥哥仔教點用GPS

呢個就係我想打爆嘅GPS.

經過唔知瞓咗幾多覺嘅路程. (而我就無瞓過, 皆因副領隊和她xx要早一天回港, 還車嘅重任就落咗响我同xx到, 所以我要牛貢眼望住個GPS, 睇吓咩時候會出D乜畫面).

過咗呢個路牌就係和歌山県. xx嘅惡夢就响呢朝開始發生. 鈎住果排就係xx的午餐. 皆因xx朝早飲咗杯凍奶茶, 一向飲奶會fe le far la嘅xx, 今次無fe le far la但就胃痛, 所以諗住食清淡D, 以免壞了成個行程. 記住係” 諗住”, 有無實行就….. 中途站落車放低啲水份, 睇吓有無得敗家…. 呢個中途站無乜嘢買. 但有意外收獲. 見到未處理嘅燕窩. 哪! xx睇落仲好精神, 唉…..
呢張係和歌山嘅觀光地圖….D景點…. 我哋全部都… 無去到…

呢個唔係觀光團, 係大食團.
第一個景點又是午餐嘅地方 -とわとわ市場
我哋美味嘅午餐由此起, 也是xx落地獄嘅開始. 原本xx諗住食清淡D, 但見到貢嘅排場…
抱住本死精神的xx…食咗先算…哈! “奶”嘢.




豐富嘅午餐之後, 我哋到咗第二至四個景點 -圓月島, 千疊敷和三段壁

呢三個景點都响白浜, 但白浜我們book唔到温泉酒店, book咗响勝浦. 點都諗唔到白浜到勝浦, according to GPS嘅information, 要駕六個鐘頭車.

唔係下化..

我記得响三段壁走嘅時候係四點幾…. …揸到酒店咪半夜….. 我哋包晚餐嘛, 唔通叫酒店煮消夜比我哋食咩. 点知去到酒店都係6:30左右.

妖!!! 等我哋趕餐懵 - 呢個係其中一個想打爆佢嘅理由.

xx食完豐富嘅午餐之後個胃當然仲痛, 晚餐食buffet, 以我xx無蝕嘅精神都係食咗二”住” 泠麵. 睇嚟, 佢真係好唔妥.

是日消夜係980 yen六塊嘅とろ(金槍魚腩), 超甘和鮮甜. 好可惜, xx同佢一啲緣份都無. 而我就唔記得映相, 引誘吓你哋.

呢張係攝於酒店的碼頭

今次住呢間酒店叫勝浦飯店, 係出名有六個温泉, 但我們實在太妙想天開. 到最後只浸了最出名果個忘歸洞. 不過compare to仙台, 仙台D正啲. 加上上次係冬天, 今次係夏天, 無貢好feel.

大阪之旅- Day 2

團友們0830集合. 呢團嘅團友Super準時, 反而我們才是最遲.

早飯我們選了買飛呢種餐聽. 有日式有西式, 我呢D貪新鮮嘅人貢係試日式啦.

跟住我哋就出發去鶴橋市場. 我哋呢D厨房高級行政人員貢係要去唔同嘅市場睇驗一吓, 睇吓有無room for improvement 先得.




呢兩個特派格價專員被派去蔬菜部.

而我和xx就去咗海鮮部.

有發現…燒海鰻. 好!一於買, 即食, 有殺錯無放過.


跟住再過咗隔離Supermarket打咗個圈. 已經係Lunch hour. 今日午餐食…

迴轉Sushi….. 太肚餓啦, 相都唔映就食…

好味.. 好味.. 好好味. 埋單8個人7,000Yen, 好ok.

是日下午自由活動.

我個大仔扭計要買玩具, 我哋去咗惠美須町嘅Kids Land. 好彩陪大仔去咗買玩具, 如果唔係比佢怨死. (後話…容後再說) 大仔收獲良多, 唔再扭計.

開心嘅時間過得特別快, 又係晚餐時間.

副領隊選咗去”牛角”到食燒肉. 又好味..好味.. 好好味, 個個食到好似有幾個月身孕. 呢餐勁呀…食咗30,000Yen



明早0730集合.

大阪之旅- Day 1

Day 1嘅旅程十分豐富我們一行八人浩浩蕩蕩、雄赳赳的乘撘CX 502航班由香港飛去大阪. 機程歷時四小時, 在航班上瞓覺的瞓覺, 看書的看書, 我自己就咗套長江7號.

到関西機場己晚上十點, 立刻坐Airport Limousine 去酒店.

呢間就係我們下榻的酒店. 超細

為了在最短時間內食最多嘢, 我們一pat低行李就去揾食. 酒店後面有條街仔, 經過大家商議, 最後決定响呢間喰人到食. 呢間喰人就真係食人, 消夜之嘛, 食咗我哋12,000Yen. 有無搞錯???

食完消夜, 我們已經很累, 必須打道回府休息.

各位團友…明朝0830集合