終於走了.....

郎朗終於回家了, 不是因為我呀叔間屋裝修好, 而係有機會爛尾, 會同裝修佬長期鬥爭, 而我姑仔又就回來holiday, 所以要返間房.

郎朗走後隨即嚟個大清潔, 床單被...洗, 厠所...洗, 雪櫃....執, 厨房....執. 最重要係開大隻窗同用香薰爐"pig"味, 因為間房同客厠很大藥油味.....

One of the porblem is out of the way.....yeah.

失控

近日身體響警鐘:

• 失眠 (每晚入睡後一小時後就醒, 要到凌晨三四才可入睡)
• 周身骨痛(好似比人打咗一身)
• 身痕(已經好了一段日子, 又再返嚟, 果晚同文氏家族做節, 有龍蝦都唔夠膽食)
• 忟憎 - 十分忟憎, 對人嘅tolerance level係零. 連撘地鐵隔離果人張報紙"對"過Ｄ, 都想殺人
• 情緒低落 - 連行街嘅意欲都無埋
• 無胃口 - 美食當前都提不起食慾

終於昨晚失控, 痛哭一場, 連xx都嚇一跳. 問我做セ, 但沒有一件實質嘅事, 可能同事果句說話係一個trigger point, 終於爆發.....原來自己還未懂得完全交托.

Yummy Yummy 答案

Yummy Yummy 篇幅問題答案係:

係$600.00大洋, 係唔係好抵食呢?

作反之二

早前篇幅講過兩星期前嘅週未作哂大反, 去完契仔契女屋企, 第二天就去咗隊長屋企開party. 那晚很enjoy, 因為很久沒有咁舒服, 咁relax. 以前我們高峰期, 每個禮拜都食飯, 但隨着工作越忙, 見面聚首的機會便買少見少了.

%%%%%%%

那天隊長有wii招呼我們, 我們玩得很投入, 睇吓下面啲相便知, 但由於小妹恐怕show各朋友肉緊和醜態樣子會招來殺身之禍, 所以一切樣貌均不會示人.....打死我都唔講呢幾過係邊個....








呢位小姐, 你好似好肉緊喎, 係唔係打緊boxing???




呢位先生玩緊セ嘢???到而家都係一個謎!

呢個好明顯打緊boxing, 又唔夠人抽, 唯有縮埋一二邊.....

呢個咁淡定.....皆因佢係屋主....

**********

經過一連串嘅體力勞動, 各人個肚都打哂鼓, 開餐啦, 當晚嘅美食簡直係頂瓜瓜.....欲想知道有什麼美食, 請到快樂...就是這麼簡單

完美的一天ended with Tracy自家製嘅Opera蛋糕.....到今天仍然很回味.... (要問吓Tracy請唔學師先?!?!)



A BIG THANK YOU TO

Jessica & Sandy - 製作的美食, 辛苦晒....

隊長 - 間屋比我哋班嘩鬼作反.....

師兄 - 幇我哋映出各人嘅醜態.....

Tracy - 回味無窮嘅Opera蛋糕.....

真係好滿足, 但美中不足嘅係肥仔輝和家輝未能出席(其實家輝有嚟, 但因囡囡喊, 很快便要走了.....)太可惜了....就當今次係rehersal, 一定要嚟多次!!!

Yummy Yummy......

星期五原本約咗隻油雞食lunch, 我哋兩個已有全盤計劃,諗住先去呢到...跟住果道....最後去果道食lunch, 但油雞講咗比佢xx知我吔會去果到食lunch, hehe....佢xx貢係妒忌我哋, 力勸不如改夜晚2+2一齊食咪仲開心, 諗落又係喎, 時間長D, 舒服D, 又唔使貢趕...好...殺你.


我哋6:30就開餐, 都唔知佢二公婆+我xx間咩公司嚟嘅, 一個放五點, 仲要四點十就可以拾嘢, 一個放五點七, 五點九走已經話遲, 一個 放五點, 準時走人....咩人嚟架, 仲叫我檢討吓我嘅productivity,點解成日貢夜走....喂喂,我走都係七點左右之嘛.......

**********

間餐廳我哋成日都去, 但今次去剛剛同某信用咭做緊套餐promotion, 半價, Yes, 係半價...頭盤有麵包盤, 羊奶豬屎沙律, 蟹肉魚子沙律, cold cut 和湯. 但掛住食, 無幫麵包盤同湯映張靚相tim....

主菜就有超好味嘅牛排, 塊皮"翠book book"嘅德國鹹豬手, 白汁意大利粉和煎龍利柳魚, 係唔係睇見都....

食完頭盤和主菜, 仲有三款甜品加生果盤加Coffee or Tea.....嘩, 雖然我xx係一個垃圾桶, 但最後都要投降. 實在太豐富啦....食完我哋幾個個肚都好似有咗幾個月身幾貢.

好啦, 估吓呢個套餐要幾多錢, 估中有獎, 明天開估

Love

上星期去基督教書店買了張書簽, 上面寫住.

To Get LOVE, Give LOVE.

記住, 要被愛, 先去愛.

倒數.....

如無意外, 我們仲有大約十日便重生.......

好興奮....
好開心.....
好期待....
快D, 快D, 快D, 快D....................

作反

上個週未玩了成個weekend, 星期五晚去咗探契仔契女.


契仔契女媽咪爹哋係我以前嘅鄰居, 他們家有六個小寶寶.


Kelly, Zoe, Coco, Ken Ken, 嘉嘉和樂樂.......欲想知道他們的關係, 請移玉步到我的契仔契女睇吓仔女們的簡介啦.......


果日班仔女見到我都不知幾High, 唔信, 有相為証.....(別妄想, 佢哋只係睇中你手上嘅零食.....)




無見咁耐, 牠們的性格都無セ變, 真係三歲定八十.


Kelly - 依然係好媽媽, 啲仔女都要比返幾分薄面....

Ken Ken - 依然自閉, 自已成日一隻狗走咗入房....

Zoe - 最痴線果隻, 牠會助跑跟住跳上疏化狂咀你, 呢期鍾意玩"手", 無錯, 係"人嘅手", 你收埋隻手佢會用盡辨法where返出嚟, 佢嘅辨法可以係用佢隻手或者係佢把口鬧到你攞返出嚟....

CoCo - 隻眼晴大到好似就嚟跌落嚟, 又唔妥Zoe, 成日打交.....

樂樂 - 係最細粒, 永遠餵零食時都爭唔到, 所以係最細粒, 個樣仲成日都楚楚可憐咁......

嘉嘉 - 個樣勁似Kelly, 我都要望一輪, 才分到佢同Kelly....

*******

Coco, 嘉嘉和樂樂我都係睇住佢哋出世架.....不過我同xx都偏心比較鍚Zoe, 因為夠頑皮. 睇吓映相都淨係抱住Zoe就知啦. 而我腳下就係其他仔仔女女, 但恕我真係不能從牠們肉背講出牠們的邊個打邊個!





星期六就去咗隊長屋企食飯, 明晚才詳細寫星期六的聚會啦, 好眼瞓......

天底下只有三件事

在同一個攝影師的blog看見這一篇文章, 很有意思和發人深省 - 天底下只有三件事



昨天心情不佳, 因為比３個人攪到情緒低落.



第一個人 - 寧願信街外人的說話都不信我講的說話.....

第二個人 - 因為唔信人, 但又怕蝕底, 所以我成了代罪羔羊, 比個十幾年嘅朋友勁插, 最慘係如果錯係我, 心甘命抵, 但我只是代問, 落得如此下場, 谷住谷住.....

第三個人 - 好心做壞事, 一心諗住幫朋友, 得不到appreciation不特止, 還嫌三又嫌四......故事教訓, 你一双情願幇人, 但他人未必會領係你嘅情.....



所以, 首先打理好「自己的事」、不去管「別人的事」、不操心「老天爺的事」。


還要別這麼上心, 先看看是"誰"的事.....

錯過

文章取於某攝影師的blog.....錯過

你今天有沒有把心中的感激告訴愛你的人、用行動關心你的家人?別要失去/錯過才懂得珍惜.......

醉咗?!?!

你哋有無試過未飲就大?你知唔知感覺係點?我尋晚就親身經歷嘅呢樣嘢, 等我話比你知啦. 好似xx話事頭:冧大掣咁上吓吖........

話說小妹尋晚洗完頭, 沖乾淨白白, 個頭仲包住老油雞送比我果條吸水力特强, 又好鬼香豔嘅紫色包頭巾, 一心諗住坐低check埋啲"依貓", 誰不知講你都唔信, 突然間個人軟晒, 暈佗佗, 跟住咪拿拿聲熄機上床,不過唔見張床由自可,一見就......,到我有再知覺嘅時候Luk Sir已經教緊"ink門"囉(晨光第一線嘅其中一個環節)!!!!

以下係我今日打比xx時候嘅對白:

我: 我........尋晚好似跌跌撞撞貢入房...........我.........條包頭巾......去咗邊?我........我.......發生咗咩事???????

xx: 你仲好講, 我見你怪怪貢撞入嚟, 隻眼又得返一條線, 咪問你做セ,
你木無表情咁答我"好眼瞓", le le 淋淋就中咗上床, 用咗1/1000.........秒就瞓着咗.

我: 咁包頭巾呢? 我將佢點????

xx: 你咪好瀟灑咁一fing, fing咗向我個頭到囉........

我: 吓............唔係下化.....我真係無乜印象喎.............咁條頭巾家下向邊樹?????

xx: 我咪幫你掛返向厠所lor.....

xx: 我仲同你講....."有無搞錯, 你做セ鬼嘢呀, 無飲都大咗........(以下删下了100字)

我: .......有咩? 點解我咩記憶都無嘅?????? (心裡暗暗地仲話:條友仔都唔知會唔會趁我迷迷糊糊時,話買多幾隻變型金剛, 又話者買多幾枝鏡頭....)

.

.

.

.

.

.

.

.

.

.

.

.

.

.

.

其實係早排我咳到顛咗, 加上工作又緊張, 返到屋企又唔可以relax,咁呀醫師咪處方啲瞓覺藥比我, 等我好瞓啲, 返工時唔會烏眉恰睡......但唔知做セ尋晚啲藥力反應咁大, 好似冧咗大掣咁, totally shut down.睇嚟我都好得七七八八. 唔使再食瞓覺藥啦.......

幸福

在朋友的blog裡看到這篇文章 - 什麼叫幸福

朋友, 你幸福嗎? 你有沒有珍惜眼前人?有沒有珍惜對方你付出的一切?

公司軼事 - SAP的威力續集

之前七月份寫咗一篇SAP的威力, 係時候要update一下, 我美國啲同事效率貢高, 當然有好多問題末解決, 但未解決之餘還有很多新問題, 仲要鑊鑊新鮮鑊鑊金.

1. Credit Memo

我們除了print invoice之外, 仲要print credit memo(CM), CM即係類似退款單, 即係話我公司收你$100. 但若有$50 CM, 個客只要比$50就可以, 但唔知邊樹出錯咗, 明明係一張CM, 但print 出嚟張嘢叫做invoice....即係話個客應該收到一張$100嘅inv.和$50嘅CM, 但而家佢係收到2張inv. - 一共要收佢哋$150. 唉!估唔到, 我公司淪落到要揾呢啲外快.

2. Printing Credit Memo

好快, 美國啲同事就發現咗呢個問題, 話貢快就整好咗, 佢哋話會一次過print返之前啲CM, print完後, 場面都不知幾壯觀. 我淨係做sorting, 都搞到.


3. 錯户口號碼

今日file invoice時, 發覺invoice上收款嘅帳號係錯嘅, 個帳號係母公司的帳號(我們是子公司), 我敢寫包單, 美國對數個同事, 不眠不休都唔會對到數.....唔知佢會唔會有啲想死嘅感覺?

4. Missing invoice

呢排, 好多客都話有啲inv. 收唔到, 我睇返我哋根本無print過, 粗略估計, 每個客大约有100-150張missing inv. , 金額加埋起碼有七個零, 即係US$x0,000,000. 唔怪得公司要將CM當inv. 啦, 損失貢 多錢!!!!!!!!!!唔向第二道揾返, 點對得住啲股東. 而家我諗仲有大約有1,000張inv. 係石沈大海, 唔知向邊樹, 別忘記, 我仍然仲係要一張一張貢print, 美國仲末加可以"多張篇印"嘅功能.....真係想講xyzabc......仲要比啲客寸, 問我哋幾時搞返好, 呢個問題我都想問美國.

我美國個老闆仲低能, 呀!錯, 佢連"低能"呢個名稱都不配, 只可能話佢"低低哋"因為佢"能"都無,成日問我哋幾時可以international都上埋SAP, 佢有無腦架, 知唔知自已講緊セ嘢架?!?!?!而家淨係講print inv. 都搞到我哋"媽聲四起 "如果其他modules都上埋, 到時我都不敢想像個世界會點.....

Prayer

Dear God, Thank you for answered my prayer through the movie - Evan Almighty.