倒數

仲有十日, 嘩哈哈哈哈…..

極速

xx的表妹最近搬屋, 但表妹和表妹夫嘅高度efficient係值得加許.

5/17 - 我們上他們家, 裝修只做好一半.
5/23 - 已裝修好
5/24 - 安排裝燈, 開煤氣, 送傢俬, 安裝乾衣機, 抽氣扇….
5/25 - 搬屋, 下午一點開始, 四十多箱嘢, 我們四點鐘上到去, 已經unpack 淨十箱左右.

我除咗極速兩個字之外, 都諗唔到怎樣形容

差幾皮…

上回講到跟周Sir學映相, 回家一, 就立見功力. 唔信…睇下以下的作品作個比較.

以下係我映的, 以上的是周Sir的作品.

大美國主義

自四川大地震後, 昨晚才可以從電視看看災情, 因為近來仍然放工回家後便要回家沖涼瞓覺. 昨晚睇電視時看見一幕幕的影像, 都禁不住落淚.

到今日才有時間去捐款, 其實已想捐好耐, 原本以為公司會好似911和hurricane Katrina時, 我哋捐幾多, 公司就會match個amount, 即係話double啲捐款. 但見到CEO出果個e-mail, 睇完火都嚟, 一啲都唔sincere, 又遲出, 求其二行字叫我哋捐錢去UNICEF就算!! 喂!! 我哋成都都有office, 自己同事/下屬都唔關心. 離咗職嘅同事都識得send 個e-mail問我哋成都同事有無事吖. 之前911又做呢樣又做果樣…. 真係有啲upset….. 好失望....有怨氣呀!!!!!

擾人清夢

某朝早上天未光嘅清晨, 我比人拍醒…

某人: 你同我訂咗相機未?
我: (睡眼惺忪)咩相機?? 做乜訂相機??
某人: 呀邊個同邊個吖嘛(講咗二個表妹個名), 我話同佢哋訂部FM2.
我: 咩呀??( 心諗條友仔發咩神經….)
某人: 覺…. 覺…. 覺….

白痴, 原來某人發開口夢….

但又答得有紋有路. 第二朝仲要死話無貢嘅事, 一定係我發夢. 家吓唔知邊個發夢呢??

不過我就覺得奇怪, 點解唔話訂部D3, 淨係要部FM2?!?!

哂命…

哈哈哈哈!!!!!!

倒數…

仲有21 日, 又飛, 又去日本…

今次同xx屋企人, 一行八人, 豉油行…..

和歌山和大阪…

温泉, 我又嚟啦…

係唔係突然間覺得好曬????

貢串……

忙碌的週未

今個週未過得十分充實, 節目由禮拜五晚上到星期一都排到密密. 今日就跟周Sir去學映相. 未有時間整理. 呢幾張係自己比較鐘意.

xx的作品

實習課

星期六约咗陳師傳, 跟她學整蛋糕. 今次係有decoration果種, 不是齋焗, 焗完之後又要整色整水.

過程中當然唔能夠影相, 因為已經很雞手鴨腳. 再映埋相, 天光都無得食.

講返個蛋糕, 我自己就覺得唔夠moist, xx就覺得ok. 但比較喜歡chocolate mud cake. (肥鬼死佢呀!!)

啱啱出爐, 未有decoration.

難得xx又肯陪我哋兩個傻婆癲. xx話响公司” 敏” 慣石屎. 朱古力淋漿無難度.

剛巧屋企有古古力粒, 就用佢圍邊啦, 你睇吓我好有心機, 一粒粒貢"痴"上去.

完成品, 原本諗住用生果做decoration, 但諗嚟諗去都唔知點整, 最後求求其其用icing sugar算鬼數.

傳聞已久+極力推介

老油雞至愛的瑞典肉丸. 之前己經很想試, 但要山長水又遠貢入去沙田買. 但果日我發現九龍灣都有得買. 仲唔立刻買返包守門口.

超好味...啲汁撈飯一流.
今日有個朋友仔過我屋企玩. 我哋兩條友仔, 一人一碟加電視汁撈飯. 好開心!!

老油雞果然無介紹錯!!

百般滋味在心頭

今日返工, 新FC已上任. 都無乜嘢, 中年男人一個, 但由於自己忙於活在自己嘅文件海中. 無乜同老細傾計.

放工嘅時候, 回想跟舊老細的點點滴滴. 真係百般滋味在心頭. 好掛住舊老細…

火海

今天是假後第一天返工. 見到個in-tray就唔開胃, 連妺仔對我都深表同情. E-mail 當然爆哂...

下午妹仔突然同我講, 我好似响個文件海裡浮沈, 又多嘢要follow up. 我話” 辣” 着咗好多火頭, 等我去救火.

救火 + 文件海 = 火海 .

冇眼睇

尋日起身覺得隻右眼眼肚有D唔舒服, 不以為意.

今朝起身, 覺得隻眼好gel, 好似睜唔大貢. 洗完面, 覺得好似有D眼腫腫. 一心以為尋晚飲多咗水瞓覺.

到下午, 情形都無乜好轉, 眨眼和轉動眼球都痛, 又有D痕. 淋淋聲去醫生.

姑娘問我係唔”裝” 周生沖白白….Hey, 洗乜裝…明正言順睇啦. 姑娘再問貢係味裝第二個男人沖涼…打死我都唔敢.

醫生話係細菌感染, 可能係隻手唔乾淨, 擦眼晴時感染到啩. 要滴幾日眼藥水同埋搽眼膏.

今日証實眼、耳、鼻和喉係相通嘅. 因為眼晴唔舒服, 攪到耳仔都有D怪怪感覺. 再者, 滴完眼藥水流咗落喉嚨…超苦.

今晚睡前仲要搽眼膏. 唔係搽响外面. 係裡面. 要”wet”開個眼肚吱入眼肚到. 醫生話要兩隻眼吱哂, 因為另一隻眼都會有機會發炎, 做定protection. 仲要搽完眼膏要立刻瞓覺, 因為D膏會黏住開唔到眼. 有D驚, 因為未試過.

你話貢仲唔係 No Eye See?!?!?!

深山大野人

呢幾日响屋企温書, 都無乜出街, 除咗星期五晚同契仔契女爸媽打羽毛球之外, basically就做深山大野人.

在家瞓醒洗完面換件T-shirt短褲就開波讀書. 我講洗完面就真係洗完面, 乜嘢都唔撻落塊面到, 由得佢”乾抆抆”. 果兩條眉又無修過, 粗到好似野人咁. 簡直唔見得人.

仲有三日, 三日後就可以呼吸新鮮空氣.

苦讀中

第一科考試己完成, 可以暫時忘記咩叫NPV, APV, BBSW, Option, Future, SWAP, FRA, FRC, Long, Call, Short, Put…..

亦希望唔需要再讀.

呢幾日就輪到要記Socialization, Externalization, Internalization, Combination, Explicit knowledge, Tacit knowledge, KM audit…..

快D, 快D…考埋就放生.

我的提神食糧

Sweet & Warm

在樂遙寶寶的Blog看見這張相, 覺得很sweet 和很warm.

樂遙爸爸是一個很窩心的同事, 猶記得大約二年前, 小妹因有些家事令到情緒低落, 放工回到家會以淚洗面, 很無助, 很軟弱…

那時跟樂遙爸爸訴苦, 沒想到他會因我的事而落淚, 會和太太為我禱告…. 很記得他送給我的經文:

你 們 所 遇 見 的 試 探 、 無 非 是 人 所 能 受 的 、神 是 信 實 的 、 必 不 叫 你 們 受 試 探 過 於 所 能 受 的 ． 在 受 試 探 的 時 候 、 總 要 給 你 們 開 一 條 出 路 、 叫 你 們 能 忍 受 得 住 。 - 林前10:13.

這節經文對我來說很深刻, 現在無助或受不住的時候, 這節經文便會出現…

很感恩有這一位同事/朋友…