脫牙事件薄

之前篇幅說過要脫智慧牙, 經過考慮都係決定脫, 同幾個朋友講過, 各有不同反應, 朋友們話:

~脫完牙之後, 三年後才敢睇牙醫...
~嘩!!!脫咗之後...果個洞好似黑洞貢......
~唉! 好鬼唔舒服, 仲發燒tim....
~打咗麻醉針之後, 都無セ嘢, 但隻牙抽出嚟果吓, 有撕裂的感覺.....
~最痛都係打麻醉針, 之後都無セ嘢, 但返到屋企痛就用退熱貼同埋食雪糕......

唉!你話貢樣唔驚就假啦!

因屋企距離診所乘撘公車要一小時才回到家, 醫生都說若有人陪比較好, 所以同醫生商量後決定我先脫牙, 跟住xx洗牙, 跟住車我返屋企.

這星期都好擔心, 可能早幾天失眠都係太擔心所致....日子一天一天的過, 但感謝神, 我星期五晚竟然睡得出奇的甜, 脫牙前也沒有心驚膽跳, 擔心是有, 但未致於方寸大亂.

***********

終於要上那張我覺得是 酷刑 的那張牙醫櫈,
醫生話:深呼吸一下, 跟住訓上喺...... 唔使驚........(唔驚就奇!!!!!!!!!)

跟住 醫生幫我check 了一下, 打了三枝麻醉針, 開始覺得半邊口有啲麻.....跟住又覺得醫生"king ling kung lung" 攪咗一輪 (但其實我是沒有知覺的), 最經典係跟住聽見醫生話: Ok啦, 脫咗啦!!!

唔係下化, 之前擔心什麼撕裂...什麼黑洞....什麼.....又什麼.....再什麼...........都沒有發生......記得之前脫小臼齒時, 醫生都"係貢易"搖二下, 等我感覺一下啲震動, 但今次セ都無就話脫咗.....AMAZING!!!!!!!!

醫生跟住縫針, 整多一陣就搞妥, 前後一共用咗 40分鐘就ok.....真係很感恩, 沒有很大的痛楚.

原本有D擔心, 因為Sat. 脫牙, 若有什麼事, Sun.沒有醫生睇, 但脫完後, 醫生跟我說在傷口落了止血藥, 加上縫了針, 加埋給我口服止血藥, 三管齊下, 應該問題不大, 醫生也說面也不會太腫, 今天睡醒望一望塊面, 都ok, 沒有含住隻雞蛋, 但好似發水麵包.

昨晚最痛的時候都是麻醉過後, 但末食止痛藥, 果時就真喺痛.....但今天仍然只可以食粥.....尋晚見xx盒雞鵝飯好似好正貢, 偷食咗一啖有豉油的飯, 但sorry...都唔係好食到!!!!

回看今次的經歷, 最感激是爸媽, 因為小時候幫我"koo"牙, 好讓我隻智慧牙順利的出, 否則今次脫牙可能要開刀或比現在複雜。