Weekend Get Away - Part 2

之後, 我吔就去咗松山, 松山有個公園但無嘢好玩, 我哋最主要係去映呢個東望洋燈塔, 去呢個燈塔要谷斜路, 我上到去都無哂氣….

映完相己經５點多, 我己經累到邊到都無心機去, 所以決定返酒店Hea吓, xx就幫我映吓酒店附近的環境. 我就返房抖抖.

~待續~

Weekend Get Away

上個weekend, 同xx去咗澳門嚟一個小小嘅度假, 相信呢個係我倆最後一個二人世界嘅Get Away, 因為明年年中我們便會多一名小寶寶了……

我倆星期日搭11:00船, 但差不多11:20才開船, 全船full house. 到達後便坐shuttle到我們booked的酒店. 此酒店位於漁人碼頭, 英式設計, 我自己很喜歡, 感覺很Relax.

但由於check in time是2:00, 所以放下行李便要去醫肚, (大肚婆唔餓得架嘛), 我哋第一站就嚟到呢間麵鋪, Oh no…. 排長龍, 無辨法啦, 鬼叫好食咩, 我哋叫咗2個蝦子撈, 一個清湯蘿蔔, 一個白灼魚皮. 味道不錯. 吃完淋淋聲就展開攝影之旅.

第一個景點當然係澳門嘅Landmark - 議事亭前地, 民政總處, 大三巴等名勝....

佢哋梗係行到好倦?!?!

議事亭前地實在太多人啦, 想映張少啲人嘅都好難. 你睇, 行上大三巴嘅路簡直係People Mountain People Sea

芝士波波

上個星期整完曲奇, 今個星期又玩吓第二樣, 芝士波波. 超容易, 因為在”二記”買預拌粉, 加水, 糖, 油, 雞旦, 芝士, 我就加咗火腿粒.

將所有材料撈埋, 入唧袋, 唧成2cm 球狀, 入爐焗10分鐘, 再用上火焗多15分鐘. 搞掂.

不過, 下次我會落鹽而唔落糖….

開纙啦!!!

眨吓眼又到咗食大閘蟹嘅季節, 尋日去九龍城買, 間铺頭好搞笑, 按大小size比名字, 大嘅公就叫Jo飽, 大嘅乸就叫荷媽.

今次我好忍手, 只係買咗一隻Jo飽和一隻荷媽比xx濕吓個口, 因為xx最近驗血, 膽固醇又超哂標, 但今年唔食都好難再食, 所以就放xx一絛生路

我就因為身體狀况, 睇怕今年同大閘蟹都無乜緣…惟有第時返來香港先食啦!

呢期好似食荷媽比食Jo飽好, 睇吓D膏就知…

Jo飽

荷媽

曲奇工場

星期六無嘢做去咗探Popeye媽, 兩個傻婆整咗一個下午曲奇, 好似工場貢, 我哋整咗三款, 但第一款失敗了, 得以下呢2款成功…

普通牛油曲奇和紅茶曲奇. 不過送哂比人Lu, 我通常都係enjoy整嘅過程, 食就No Thank You la.

安息吧, 包包 & 嬌嬌!!!!

今天收到二個很不開心的消息.

我同事隻狗狗 - 义燒包昨晚走了. 其實近來包包都唔係好舒服, 記得上星期包媽過來我個位話包包嘔, 醫生照到包包個肚仔有啲嘢, 醫生覺得有機會係Cancer, suggest 開刀睇吓咩事. 包媽己經好擔心. 後來開了刀以後發覺原來隻豬仔食咗毛巾, 仲tangled with food. 條腸腸壞死了, 醫生將壞死部份己經切除, 但醫生說成條腸腸都變了色, 還要再觀察, 若情況沒有好轉便要再開刀. 我們這幾天都有問包媽, 每天嘅Feedback都係positive嘅…

今天白血球嘅count 回復正常…
今天肯食嘢, 不過都係要我餵….
今天疴咗尿尿, 但未疴臭臭….

每天包包都有進步….

我昨天己經不用上班, 所以下午便去診所探包包, 仲witness到歷史性嘅一刻….. 包包疴臭臭….

跟住因為醫生要見包媽, 所以我便離開.

今日瞓醒打比包媽問佢醫生怎樣說, 她還輕鬆的告訴我應該兩三天後便可以出院. 終於放下心頭大石.

怎知道10分鐘後, 同事打給我, 問我”你知不知包包走了?” 那一刻我沒法相信, 因為剛剛才掛線….

我現在還末contact到包媽, 所以還未清楚發生什麼事…..

知道包包的事便立刻通知xx, xx也覺得很突然, 因為昨晚我還update xx包包的情况, 但xx給我一個鎮驚的消息…. 烏咀個女-嬌嬌今日比車車死了. 嬌嬌剛剛生了七隻小狗狗, 還未戒奶…..

今天實在太唔開心了.

包包 & 嬌嬌…. 安息吧!!

少奶奶生活

不用返工的日子也不見得很Hea, 每天都有節目, 不是去銀行搞嘢, 便是約朋友吃Lunch. 都幾累架!!!

Last day 咗啦!!

尋日係小妹嘅last day, 離開工作已八年嘅公司, 我初初以為我會唔捨得, 但卻一D都無, 可能呢二年我做得真的太累, 只想早D離開.

惟一不捨得是班同事, 臨走前他們的祝福和擁抱, 真的很Touching!!!.

今天早上check personal e-mail時有個小小嘅surprise, 我竟然收到美國Internal Audit嘅Director嘅e-mail 祝福, 真的有點Surprise.

Life Must Goes On…接下來會有更多新挑戰….

出院啦!

經過兩星期嘅深切治療, 我部腦终於返來…呢幾個星期無得寫blog好慘呢. 比D時間我, 會慢慢update返呢個月嘅事.

Stay Tuned!!!!!