交響樂

每朝大約十點零鐘就會聽到我們部門開始練習交響樂, 樂韻飄揚, 此起彼落地唱:

• 痴線!!!
• 白痴!!!!!
• 低能架!!!!!
• 唔係下化????
• 佢有冇腦架????
• 傻架咩?!?!
• 有冇人貢蠢架?!?!
• 咩呀???
• 點做嘢架????
• 識唔識睇英文架?????
• 你知Ｄ美國人幾蠢架啦!!!!!
• 佢究竟明唔我講セ架????

.........其實以上句子是我們check e-mail時, 睇到美國同事回覆我們後的反應......

唔式

上半年忙於考試...拾屋...搬家....再拾屋, 搞到無時間練習插花, 見今日睇完牙醫, 早早地, 不如去花墟襯吓墟, 順便買花練習一吓, 心諗...插乜式好呢, 學過半月式, 直立式, 餐桌式......但到頭來淨係記得一式.......就係"乜都唔式 "

後來都係決定插直立式....

牙醫

今天去check 牙齒, 由細到大都有睇牙醫恐懼症, 醫生問我係唔係有童年陰影,做乜貢驚. 但我諗唔單止我, 同好多朋友傾開, 問十個有九個都怕睇牙醫, 一諗起果Ｄ wewe聲就心都寒埋.

檢查好,照好x-ray,洗乾淨棚牙, 醫生話: ok 啦, 係唔係不太辛苦呢?不過有啲嘢要傾傾. 牙醫話同我傾傾, 仲邊有好嘢丫......

原來我蛀咗隻智慧牙, 醫生建議脫咗佢, 反正智慧牙都無乜用, 加上醫生話我口仔細, 都比較難刷到那個位, 但我一諗到細個"koo"牙脫了四隻小臼齒, 加上記得媽me脫智慧牙時又發高燒...就好驚, 醫生話補都得, 但脫會比補好啲, 因為需時比較短,也除後顧之憂,一了百了.( 雖然脫牙時間比補牙短, 但醫生話都會比2-3日sick leave我休息, 你有無聽過人講補完牙要2-3日sick leave丫?) 再者醫生亦建議順便脫埋上面果隻.....唉....點算好呢?? 但上面果隻好好哋, 有無必要受呢啲皮肉之苦呢?

搞完就搭車返屋企, 第一時間報告比xx聽, 他一聽完就話:

"脫咗佢啦, 我四隻都脫哂, 無咩嘅, 我淨係腫咗個零禮拜, 食咗幾個星期粥水姐....無乜嘢嘅....."

嘩!真係唔該晒你嘅鼓勵, 聽完仲驚過之前. 我而家都心大心細, 點算好呢????

公司軼事之 - 美國人篇

之前的篇幅介紹過SAP的威力, 經過SAP一役以後, 發覺美國同事們有以下特點:



1. 自私 - 自以前(改正, 應該係自以為)美國用不着, 全世界嘅人都用不着.

2. 自以為是 - 成日以為自己好聰明, 其實係豬頭炳.

3. 十問九唔應 - send 親e-mail例牌唔覆, 問完再問, 免為其難答吓你!

4. 答非所問 - 當決定答時, 答埋啲垃圾.

5. 牛皮燈籠(改正籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠籠), 講極都唔明 - 曾經試過同一個e-mail, 要答三次先明我們講乜!!

6. 不信任 - 好似全世界嘅人都呃佢地, 成日唔相信別人.

你話同啲貢嘅人共事, 唔死腦世胞就奇....

.....難過....

心裡很難過.....若你認為這樣是對我好....對不起, 你只令我更難做、更難面對、更不安心.....手掌又是肉, 手背又是肉.....怎辨?

公司軼事之 - SAP的威力

話說公司七月一日轉咗新system, 我們 AP Finance 仍然用住舊system 先, 心裡暗叫....hehe....暫時末燒到我哋住, 但知道invoice printing 呢一部份一定會影響到, 所以係六月中已問定head quarters轉新system 會唔會有impact, 每天的問, 每天的追, 但都得不到一個答覆, 難道我的英文水平不好, 他們唔明我問乜?!?!?!?!終於七月中旬, 代理們陸陸續續問有沒有invoice, 那邊箱我們只可以答因為轉了新system暫時未有住, 這邊箱我再不停的追美國, 終於有回覆啦, 美國那邊比份文件我話跟住print la....喂!!我連新system 的login ID 都未有, print セ鬼姐....... 後來發現美國已靜靜地給了我新system access right。 喂大佬呀, 通知聲丫...... 。幾經辛苦後終於print到第一張invoice , 但跟住就發現....E....D... invoices 要續張續張print, 唔係下化.....淋淋聲問美國可唔可以一次過print 多D, 如是者又等了幾天, 例牌無人理你, 覆你, 跟住我個聖人同事心平氣和同我講, "佢唔覆你係因為根本唔可以貢樣print".....心想, 無理由白痴和低能成貢掛....轉新system 唔係make life easier架咩?!?!呢頭講完就收到通知原來真係唔可以一次過print 多過.............一張invoice, 嘩!痴線架咩 , 我們粗略估計, 有成500張invoice未print(執筆時已累積到1,800張), 每張要print ３分鐘, 要成1,500分鐘, 即係話要3.125日FULL DAY 來print.我當時諗可能我的英文水平不好, 誤會了美國同事的e-mail, 但她回覆說:"係呀, 每次只可以print 一張, we are doing the same in US, 不過大部份代理巳經是EDI (即是他們自己的system 可以electronically收invoice, 我們只需要print數張便可..." 家下你係唔係潤我??? 到最後美國那邊說會加返呢個function, 但睇怕都要等一世.....猶記得以前有個朋說美國人smart和效率高, 我都唔知smart向邊, D效率仲慢過蝸牛, 你話日日貢比佢地激一鑊, 腦世胞都死多D. 你話SAP的威力幾勁, 令到人都癲。但現在只是個開始, 問題會不停的找我們.....

公司軼事之 - 聖人篇

要成為聖人, 必須具備以下條件:

~冇皮四,
~冇怨言,
~極高EQ及能承受10G的離心力,
~永冇say no,
~能承受unlimited workload,
~有200G RAM,
~再難、再深的問題, 對他來說都是低Ｂ, 三分鐘內必能解答你,
~是一個人肉的 Excel User Manual,
~一本曉跳嘅"萬能"全書,
~能記得大部份同事入職和離職日期及放淨幾多 annual leave,
~能隨時說出公司商業登記証號碼,
~能在二分鐘之內揾到你己deleted或揾唔到嘅e-mails, 只要他是收件人之一,
~發住燒仲返到工,
~當四周的同事們在喧嘩, 講笑,吃零食, 講是非, 仍然不為所動, 專心工作, 一於少理, 當你班友痴線,
~當其他同事為工作暴跳如雷時, 仍可以非常鎮定和輕描淡寫地說: "算罷啦"又或者"我都睇到化哂la"
~有小Q的認路能力,
~人肉普通話發聲器,
~找到他錯處的機會乃0.0000000001
~必定是所有老闆心目中的"冧吧温"

別以為他是一名工作狂, 他也有以下條件:
*一個人肉攻略本(任何遊戲機),
*會洗晒浪.......衫, 抹執拖....地仲做埋家居清潔,
*醫生要戒口,引死都唔食, 仲要戒夠90日,
*唔食內臟, 鮑參翅肚和來曆不明的食物,
*绝對顧家, 是父母心目中的乖仔, 必定是所有阿媽的Dream Boy,
*絕對專一, 是所有OL的Dream Man.

有齊以上條件, 除了聖人, 我仲點可以形容這位出色的員工呢?

唉! 收到啦....

剛剛收到CPA 考試materials....休息了二個月, 又要開波了. 考試會在Oct 30 和 Nov 09. 好沮喪.又要"熱"窗苦讀300小時了(CPA recommend 1 科讀150小時, ２科咪要300小時囉)

啓示

今天晚上搞了一晚, 因為自己亂噤, 攪到不可以post 相和公仔, 還有其他setting 的問題, 所以決定delete之前那個blog, 重新再做過, 但就要犧牲各方好友的意見, 在此向曾經在意見欄留意見的朋友講聲對不起.....也在這裡向老友記講聲多謝, 因為相信她己比我煩死了, 每三分鐘一個電話問功課!! 呢個故事教訓我, 不要輕舉妄動.....

家務分工

近日有個朋友剛剛買了屋準備結緍後住,但女朋友決定跟男朋友先約法三章, 結緍前把家務分工分好, 好讓結緍後不會為家務而吵架, 以下便是他們分工工作表:



1. 老公去上班時, 老婆要分配時間去行街, 做facial和去會所keep fit, 好讓每次出席朋友聚會不會失禮.

2. 老公去揾錢時, 老婆要花盡腦汁把家用洗得淋漓盡致.

3. 老公買餸時, 老婆一定要在家誠心等候, 讓老公回到家時有好幸福的感覺.

4. 老公煮好飯時, 老婆要負責食.

5. 老公洗碗時, 老婆要負責睇電視, 還要拿着remote負責轉台.

6. 老公洗衣時, 老婆要洗澡.

7. 老公晒衣時, 老婆要刷牙.

8. 老公洗厠所時, 老婆要去厠所.

9. 老公抹地時, 老婆要睇小說和吃薯片.

10.老公餵貓時, 老婆要幫貓梳毛.

11.老公換貓沙時, 老婆要負責同貓玩

以上就是他們的分工, 老婆工作比老公還要多, 好像又要睇電視, 又要轉台, 所以都係老婆偉大啲! 在此特別鳴謝VT獻出以上工作分工表, 好讓姊姐們學習學習!!

開Blog 大吉

經過老友記和妹仔的鼓勵下, 決定開一個Blog跟朋友分享一吓生活趣事, 感受和生活體驗. 初初一直提不起筆乃自知自已常常三分鐘熱度, 文筆也不好, 但見老友們的blog很有趣, 就決定開一個吧! 但仍需努力學習....各位老友, 高抬貴手, 多多指教