強.....

今早老細問有無帶飯, 她這樣問, 好明顯

1. 自已衰格....有帶飯, 但唔想食
2. 沒帶飯
3. D staff衰格, 無幫老細帶飯

答案係 2 & 3, 我跟妹仔都願意放棄自已個飯盒, 所以走左去......油麻地 唯珍食上海野.

我地叫左:

淨水餃
油菜
韭菜餡餅
豬扒湯年糕
豆沙餅

埋單只承惠70大洋, (係total....唔係每人)好鬼


跟住老細要配返個咖啡壺, 走左去永安睇下有無貨......

嘩!油麻地永安家品部係我死穴, 每次去都流連忘返, 呢樣睇下, 果樣摸下, 起碼要消磨返2-3粒鐘....怎能草草買個咖啡壺就算呢?

幸好, 我地上身, 帶老細呢到睇下, 果道睇下..... 好野....老細中招, 敗左小小家,買左呢個mouse pad. (明明係一個煲墊, 夾硬話係一個mouse pad), 除左有mouse pad的用途, 仲係比小妹每朝奉茶請安之用....





除此之外, 仲去左松記買糖水, 買左幻彩明珠和鮮果水晶涼粉


咪以為我地就此罷休, 老細跟住見到她呀媽平時買開海味果間鋪頭, 又去掃左D蝦米、金針、紅豆和雲耳.....呢個lunch time 簡直係勁過出奇蛋, 滿足左四個願望.

最勁係頭尾用左唔夠2粒鐘, 強呀!!!!!!!

所以咪睇少D C奶仔, 敗家可以好快手。