曲奇工場

星期六無嘢做去咗探Popeye媽, 兩個傻婆整咗一個下午曲奇, 好似工場貢, 我哋整咗三款, 但第一款失敗了, 得以下呢2款成功…

普通牛油曲奇和紅茶曲奇. 不過送哂比人Lu, 我通常都係enjoy整嘅過程, 食就No Thank You la.

安息吧, 包包 & 嬌嬌!!!!

今天收到二個很不開心的消息.

我同事隻狗狗 - 义燒包昨晚走了. 其實近來包包都唔係好舒服, 記得上星期包媽過來我個位話包包嘔, 醫生照到包包個肚仔有啲嘢, 醫生覺得有機會係Cancer, suggest 開刀睇吓咩事. 包媽己經好擔心. 後來開了刀以後發覺原來隻豬仔食咗毛巾, 仲tangled with food. 條腸腸壞死了, 醫生將壞死部份己經切除, 但醫生說成條腸腸都變了色, 還要再觀察, 若情況沒有好轉便要再開刀. 我們這幾天都有問包媽, 每天嘅Feedback都係positive嘅…

今天白血球嘅count 回復正常…
今天肯食嘢, 不過都係要我餵….
今天疴咗尿尿, 但未疴臭臭….

每天包包都有進步….

我昨天己經不用上班, 所以下午便去診所探包包, 仲witness到歷史性嘅一刻….. 包包疴臭臭….

跟住因為醫生要見包媽, 所以我便離開.

今日瞓醒打比包媽問佢醫生怎樣說, 她還輕鬆的告訴我應該兩三天後便可以出院. 終於放下心頭大石.

怎知道10分鐘後, 同事打給我, 問我”你知不知包包走了?” 那一刻我沒法相信, 因為剛剛才掛線….

我現在還末contact到包媽, 所以還未清楚發生什麼事…..

知道包包的事便立刻通知xx, xx也覺得很突然, 因為昨晚我還update xx包包的情况, 但xx給我一個鎮驚的消息…. 烏咀個女-嬌嬌今日比車車死了. 嬌嬌剛剛生了七隻小狗狗, 還未戒奶…..

今天實在太唔開心了.

包包 & 嬌嬌…. 安息吧!!

少奶奶生活

不用返工的日子也不見得很Hea, 每天都有節目, 不是去銀行搞嘢, 便是約朋友吃Lunch. 都幾累架!!!

Last day 咗啦!!

尋日係小妹嘅last day, 離開工作已八年嘅公司, 我初初以為我會唔捨得, 但卻一D都無, 可能呢二年我做得真的太累, 只想早D離開.

惟一不捨得是班同事, 臨走前他們的祝福和擁抱, 真的很Touching!!!.

今天早上check personal e-mail時有個小小嘅surprise, 我竟然收到美國Internal Audit嘅Director嘅e-mail 祝福, 真的有點Surprise.

Life Must Goes On…接下來會有更多新挑戰….

出院啦!

經過兩星期嘅深切治療, 我部腦终於返來…呢幾個星期無得寫blog好慘呢. 比D時間我, 會慢慢update返呢個月嘅事.

Stay Tuned!!!!!

暫停營業

屋企部腦中左毒,

msn 屎左..

小蒙恬又用唔到.,

要等架車番番黎先送到佢入深切治療部,
唔知幾時先出到院.. 唉..

搬一搬屋, 唔見一籮” 谷”

今日終於裝返好broadband. 諗住出埋幾篇blog, 但發現咗唔見咗個card reader, 跟住又未揾到部DC仔, 所以呢幾日都係耍用部大機. 我呢Ｄ師奶仔貢係要映低日常生活嘅片段, 家下真係有D麻煩.

聽日返公司記得攞返個card reader 返嚟先. 各位等多一陣, 過兩日會post架啦!!!!