2008年7月16日星期三

忙碌中….

近來super忙碌, 因為租约八月底到期, 要揾屋搬…又要執嘢.

聖人同事又做到七月底. 老細話D applicants又唔得. 原本諗住今個月休養生息, 但都係做到無停手. 睇怕都係無得抖. 唉Photobucket!!!!

希望快D請到人啦…Photobucket.

2008年7月10日星期四

污咀歴險記

上星期日, 黄小勳同黄小霸爸媽邀請我們一齊去猴塘溪游水. 我哋仲約埋妹仔和妺仔未來xx去. 我哋仲帶咗鄉下妹污咀一齊去, 諗住等污咀去同其他狗狗玩吓. 星期六xx己經同污咀開始心理輔導…..

猴塘溪係位於西貢北潭涌再入嘅海下路. 北潭涌再入己經係禁區, 所以我們泊咗架車响北潭涌停車場就打的士入去.

我們一大清早就返公司接污咀, 上次個女坐車就係做手術果次, 唔知係唔係陰影, 抑或少出街, 個女响車到係貢震. 又左顧右盼, 十分不安.

到咗猴塘溪個燒烤場(D貢偏僻嘅哋方都有燒烤場?!?!?) 就call小勳爸爸出嚟接我哋, 嘩!!! 跟住仲再爬山澗水才可以去到猴塘溪. 去到見到小勳小霸我哋當然好開心, 因為好耐無見. 但污咀同我嘅惡夢就由此起…..

首先污咀係一個鄉下妹, 人、狗皆驚, 小勳小霸同兩隻朋友仔一齊同佢say hello, 佢已經好驚. 跟住xx同我帶污咀落去游水, 污咀幫xx响背脊刻咗” 精忠報國” 幾個字, 我都唔弱, 整咗個雕花手臂刺青.

xx見個女未習慣, 就放佢响岸邊hea吓, 自己就游咗過對面個溪到, 諗住引個女游過去. 小勳小霸同兩隻朋友仔又走埋去同個女打招呼, 呀女今次就好驚貢走咗. 無錯……係…….. 係走咗. 跟住故事嘅發展就精彩lor.

xx, 小勳爸和妺仔未來xx就發散哂去揾…天公又唔造美, 開始落大雨, 我哋三個女人仔就坐响到等, 看住小勳小霸. 過咗一個鐘頭都揾唔到. xx塊面同隻鑊一樣貢黑, 人哋啲爸爸、媽媽、祖宗十八代都比佢搬哂出嚟Photobucket.我就一隻大鑊貢” 咩” 咗响上身(因為今次個聚會係我發起.).

雨, 一路都唔停, 仲越落越大, 我哋諗住落山再揾, 因為在山上都無補於事. xx就好似個痴線佬貢四圍問人有無見過個女. 有D人又話响海下果邊見到, 又有人話响黃石海灘果邊見到, 最慘係因為係禁區, 唔淮私家車入. 我哋只有call架的士四圍揾.

二個、三個鐘頭已經過去, 仍未揾到個女, xx就越驚, 越芧, 越慌Photobucket. 我就越自責, 越擔心. 老油雞打過比我, 佢都鄧我好擔心, 因為成個山頭貢大, 個女都唔知會走去邊.

下午三時, 仍未有蹤影, 小勳爸就話不如妹仔和妺仔未來xx先走. 我哋call咗架的士車返佢哋落去攞車, 我又試吓同閘口啲人講, 睇吓可唔可以比我哋揸架車上去兜吓.

當比緊停車錢時, xx打比我.

找到個女啦!!!!!!!!!!!!!!!

我就淋淋聲揸架車上去. (閘口管理員比我入)

後來xx話返比我聽, 小勳爸叫佢响個涼亭到等, 因為佢覺得個女會返去果到揾我哋, 而小勳爸就再四圍揾, 點知xx一轉身, 個女就响隔離…. 個女當時成身濕哂, 震哂. 肉赤死我哋.

我哋立刻車返小勳爸落去攞車, 跟住車個女返公司沖涼, 我再揸車返屋企沖涼, 再攞衫比xx沖涼.

今次實在很感激小勳爸, 如果唔係, 我哋都唔知點算, 方寸大亂.

妹仔又因為淋咗雨發燒Photobucket.

小勳媽就極到擔心.

老油雞已經開始諗定如果真係揾唔到, 揾個識AC嘅friend幫手揾.

而我就比xx鬧到狗血淋頭Photobucket. 但硬頸嘅我, 當然還拖…Photobucket.. 最後當然鬧交收埸, 冷戰86,400秒.

而家雖然輕描淡貢寫出嚟, 但固中 百感交集, 感受良多呢!!!!

2008年7月3日星期四

xx上雜誌

最近CEO雜誌訪問了xx, 黃Sir和Miss, 今期CEO雜誌才出都篇報導. 我scanned 咗post咗出嚟…嘻嘻.

xx自己睇完又無乜特別興奮, 名利呢家嘢, 佢睇得好淡. 記得去年我D同事嚟我屋企玩, 見到xx貢多獎, 又話好勁, 好犀利, xx好輕描淡寫貢話: “又如何??? 味又响屋企打機!!!”
有時都幾佩服xx, 每次比賽我會問佢驚5驚邊個對手, 佢又係好輕描淡寫話只係驚一個人…. 就係佢自己. 嘩!!! 簡直係好似D奥運選手話:
”要赢人先要赢自己”

果種feel. 所以佢成日教D學生唔好計住今次有邊個對手, 赢唔嬴到. 一切都係以自己來作準則, 今次攞5到獎唔緊要, 最緊要係今次比賽compare to 上次有無進步才是最重要.


欲想全文, double clink張相啦.



一個退役運動員太太的擔心.

最近xx的博頭痛又返嚟, 家庭醫生都攪佢唔掂, refer咗佢去睇骨科. 呢個骨科都唔係第一次睇, 上次係06年xx有日踢完波返嚟話”chalk” 親條頸, 成隻手痺哂. 家庭醫生就referred咗呢個骨科比xx.

06年照MRI時都照到C5嘅頸骨有D移位, 導致頸椎軟骨突咗出嚟. xx話應該係N年前出去德國比賽前一週做個Half Out (2週前空翻+180度轉體) 落嚟果下失咗, 整親條頸, 又自以為後生, 復元得快, 仲夾硬傷住去德國參加World Championship. (可能就係貢, 攪到佢貢硬頸嘅性格!!!)

Anyway, 今次佢又博頭痛, 攪到佢好醃悶, 貢又唔係, 貢又唔舒服. 家庭醫生又叫xx去見骨科, 經過一輪測試之後, 醫生說有2個可能性.

1. 頸椎神經線發炎, 引致痛楚. 這樣食消炎藥就ok.
2. 軟骨已經突到壓住神經線, 須要做手術把壓住神經線嘅軟骨切除.

所以醫生又寫紙比xx入院照MRI. 你話作為一個退役運動員的太太係唔係好擔心?!?! 如果真係要做手術, 都擔心, 因為始终頸椎有很多神經線, 醫生嘅技術好緊要…. 唉!!!

2008年7月2日星期三

整就三粒鐘, 食就三分鐘

呢期唔知自己發咩神經, 狂焗嘢食.

有好似一pat牛屎嘅曲奇, 蘋果蛋糕, 咖哩角….

xx成日話我同自在有仇. 睇嚟都似, 皆因整呀, 洗呀, 起碼攪三粒鐘, 食就三分鐘就食完.

又熱, 又濕, 又臭嘅牛一

上星期日係小妹嘅牛一. 我選咗一個”有自唔在, 攞苦呢辛”嘅生日節目比自己. 我哋响34度嘅高温下去咗大尾篤到映相. 可能太熱嘅關係, 小妹無乜心機映, 比較喜歡嘅就只有呢幾張.

行咗成個下午, 又熱, 又焗, 成身汗, 感覺到自己好臭….



晚上約咗老油雞伉儷食飯, 因為老油雞xx生日同我爭二日, 所以老油雞請我, 我xx請老油雞xx食飯 (咪即係AA, 駛乜講到貢複雜!!!)
食完飯就要見吓D契仔契女, 加上Nermal又係同我同一日生日,(Hazel就6/21生日), 順便做吓色魔, 咸濕吓D仔仔女女. 有映相, 但鬆郁濛. 只有呢張見得下人.

今年淨係食咗一個生日蛋糕, 但係老油雞親手整, 所以好開心….

雖然過得很簡單, 但滿足!!!

2008年6月30日星期一

Osaka Trip – Day 5

今天係最後1天, 昨天晚上睡得不好, 因為擔心xx半夜胃痛, 又擔心如果真係好唔舒服, 係唔係應該同佢入醫院. 但感恩, xx雖然痛, 但未致於要入院.

The tour must go on. 所以last day的早上我們就在酒店附近的嘅黑門市場逛逛. 但因為沒有帶相機, 所以一張相都無映. 但好後悔呀, 因為有很多靚魚生….

在黑門市場有間賣咖啡豆嘅舖頭, 公司和朋友有好多都係啡友, 諗住買D比佢哋做手信. 個老闆都talk 得吓”ink門”, 而我又高估咗佢嘅”ink門”程度. 我買咗3隻唔同味嘅豆, 每隻100g, 諗住叫老闆每隻豆50g一包, 分六包. 點知老闆將三隻豆溝埋再分六包. Oh no…Photobucket... 都唔知係表達能力差, 抑或佢ink門程度渣.

是日早上節目xx無份, 因為想xx响酒店休息吓, 二來費事佢見到魚生得個…. “恨”字. 睇得唔食得.

我們lunch作最後衝次, 食拉麵. xx又係好可憐貢我哋食…得個恨”字.

我們比原定時間早咗到機場, 洗淨十幾萬yen, 斷估都唔可以响機場敗晒, 只係輕輕貢買咗小小嘢. 洗咗1000 yen 左右. xx個姑姐就洗咗萬幾yen買咗個名牌手袋. 而另一個姑丈就仲勁, 洗咗………………塊面PhotobucketPhotobucket.

是次旅程就係好趕好趕嘅情况之下完成, 但返到香港又立刻趕去九龍法國醫院睇急症, 要等十幾個, 同埋得1個醫生. 所以立刻再轉去24小時clinic.

24小時clinic個醫生聽完xx個遭遇, 深表同情, 就同xx講” 吓!! 你响日本兩日無食嘢, 味好嘥, 睇嚟都係消化不良, 同你打支止痛針, 食D藥啦!!!” xx之後講話他日我再去日本, 必定十倍奉還. 我好串貢話 “車!! 睇吓點!!!

是晚搞完xx回到家都成十二點幾. 梳洗後便立刻要瞓覺, 第二朝要返工. 我都未試過去完旅行返到屋企D行李原封不動, 因為真係好倦Photobucket.