***嫲嫲帆帆***

2008年2月15日星期五

踩場

年初三xx姑姐話嚟我哋到拜年, 因為我哋搬咗都未上過嚟…

我要發揮我做厨房CEO嘅實力, 整咗5餸1湯, 白飯任裝.

瑤柱冬瓜蓉羹
蒸芝麻斑
蒜蓉白菜仔
可樂炆圓蹄
豉油皇乾煎帶子
茄汁煎蝦碌

除了帶子用錯咗玫瑰露之外, 真餘啲餸都ok. 最正係個可樂炆圓蹄, 既簡單又入味, 不過下次要炆耐啲2.5-3個鐘就差唔多.

煮呢餐飯都有壓力, 因為xx姑丈係大厨, 話無壓力就奇.. 幸好都過到骨.

心急的我們忘了影相便拿拿聲開餐…

2008年2月13日星期三

“滾動” 蘿卜糕

今年收到三” 底” “滾動” 蘿卜糕…

第一底係老油雞割愛, 送咗奶奶嘅home made蘿卜糕比我....

第二底都係老油雞送的…. 八珍…因為她說好正, 比我試吓…

第三底係义燒包個婆婆 - 即係我同事個媽咪…係唔有啲奇怪呢?

話說公司食開年飯時同包媽傾計….

我: 喂, 李媽媽今年有無整糕?

包媽: 梗係有!!!

我: 貢仲有無淨? 我新年前感冒菌入腸, 疴到呀媽都唔認得…咩糕都無食過.

包媽: 吓! 無淨啦, 呀媽見我哋唔欣賞, 尋日送哂比阿叔啦…嫲嫲, 今年你無整咩? 往年你都有…

我: (有啲失望)無呀, 因為自己病咗, 又要污咀, 都無時間….

包媽: 貢無計啦, 惟有出年啦…..

第二日, 包媽走嚟同我講:

包媽: 嫲嫲, 你多謝我先啦…

我: 多謝包媽….( 其實唔知多謝セ嘢, 但禮多人不怪)

包媽: 呀媽頭先打比我, 問我要大大底定細細底, 我話咩呀? 呀媽話買咗蘿蔔整糕比你, 問你要大大底定細細底……

我: 包媽…我好滾動呀…

.

這樣, 今年我便有三底“滾動” 蘿卜糕了.....

2008年2月6日星期三

Star War 小公主又一新搞作之…. 斧頭斬

我老細繼ear muff之後又一新搞作, 將發泡膠套在Ba Ba 個頭到, 扮斧頭斬….

呀媽, 你比我靜吓啦, 好無??

呀哥....當然不能幸免....

好啦…夠啦….That’s enough!!!! 見唔見到我個樣開始好惡喇…

呀媽終於收手, 有覺好瞓囉!

污咀….

污咀係我xx公司隻狗女, 係唐狗女. 牠好聽話, 又識”手手” 又識嗲人…. 現在已經有歲半啦, 已經做咗二次媽咪. 我xx當佢係自己個女貢!

新年前, 我xx有朝打比我話污咀個頭仔有個1 x 1吋傷口, 問我有無相熟嘅獸醫, 我拿拿聲問個朋友攞個電話, 叫xx快啲同污咀去睇醫生.

醫生話要縫針, 也建議我哋同污咀做埋絕育手術, 我們一路都有貢嘅打算, 始终污咀係地盆狗, 附近都有很多地盆有狗狗. 但因污咀剛剛做完媽咪, 啲B剛剛戒奶, 所以未有時間去book. 適逢醫生話個頭仔縫針都要麻醉, 不如順便做埋絕育…我同xx都覺得係一個好主意.

醫生手術要抽血 check 幾樣嘢, check 到污咀有啲貧血, 我哋都不以為意, 心諗可能始终唔係家狗, 營養係差啲…..

晚上七點幾, 獸醫打比xx, 他給了我們一個壞消息, 他說幫污咀開刀後, 發覺嚴重內出血, 再check就發覺污咀個脾臟爆咗, 引致嚴重內出血. 但已幫牠把壞死的部份脾臟割除, 醫生話污咀做完手術好弱, 之後2天是很critical. 我同xx聽到心都沈埋, xx仲眼濕濕添.

果晚我哋二個去咗探個女, 唉…. 呀女知道我哋嚟, 都支撑起身歡迎我哋…真係好乖, 醫生話污咀應該係比人踢爆咗個脾臟 (個女可能夜晚走出街吠人, 所以比人踢)…. 醫生話幸好我哋決定做埋絕育, 否則就不會發覺, 醫生話個頭仔個傷口救返個女一命….

那晚在動物醫院看烏咀時, 剛巧見到另一對couple, 他們的貓貓 - 芊芊腎衰歇, 已奄奄一息, 但芊芊爸媽都唔想put her to sleep…. 他們想芊芊自已決定.

那晚xx和我都睡得不好, 因為醫生話如果有事就會打比我哋, 試問我們又怎能睡得好呢? 很擔心呀……幸好果晚沒有電話, no news is good news!!!

第二晚我們再去探女, 牠已經好好多了, 姑娘話我們可以同呀女出去走走…但那晚芊芊卻在爸媽懷中走了…. 我也忍不住……

污咀新年前已出院, 但因牠每天要食二次藥和xx把牠關在workshop, 所以新年時我們每天都會回返xx公司餵藥、餵食和比污咀出來走走….

昨天污咀可以拆線和要再抽血, result非常好, 所有嘢都正常了….. 很開心!!!

見污咀好返啲, xx就幫佢扮鬼扮馬…啲同事話呀女帶咗xx個眼鏡, 同xx有幾分似…係咩???